Канон святому благоверному господарю великомученику Владу Влашскому.
Глас осьмыи
Тропарь глас 2
Яко же древлим Финеесу, Илии и Юстиниану подражатель явися, всякое злодейство в земли Влах потребляя, веру православную и добро общежитие утверждая, сего ради сраспастся Христу доблественне страстотерпче Владе, ныне со ангелы Святей Троице предстоя моли Бога Вышняго спастися душам нашим.
(Дважды).

Слава, и ныне. Богородичен. Вся паче смысла, вся преславная Твоя Богородице таиньства. Чистотою запечатленна, и девьством хранима. Мати разумеся неложна, Бога рождьши истиннаго. Того моли спастися душам нашим.
  
Песнь 1. Ирмос

Воду прошед яко по суху, из египетска зла избежав, израильтянин вопияше, Избавителю Богу нашему поем.
Запев
Святым благоверныи господарю великомучениче Владе моли Бога о нас! Поклон.
Даждь ми отпуст многих прегрешении моих Спасе, премудрость ми подая, яко да возмогу похвалити святаго Твоего.

Запев. Воспоем песнь благочестивне, целомудреным смыслом, благовернаго господаря и великомученика Влада воспевающе.

Слава. Дар Божии приимше, и душевное благородство возлюбльше, тем и блажим еси.
И ныне. Богородичен. Избранную Тя от родов всех, достойно похваляем вернии, Деву воистину. Яже паче словеси, Бога Слова родившую.
Катавасия: Избави от бед рабы своя, святыи благоверныи господарю великомучениче Владе, яко вси по Бозе к тебе прибегаем, ты бо молиши о нас Христа Бога нашего (поклон). Господи помилуй (трижды с поклонами).

Песнь 3
Ирмос

Ты еси утвержение, притекающим Ти Господи. Ты же свет омраченым, и поет Тя дух мой.

Запев
От чадства самаго в страсе Божием воспитася и воин доблествен, сего ради славен ревнитель Христов явися.
Запев
Осман и немец житие и законы узре благоверне, веру же православную сохрани и живот си краю украси.
Слава
Во  османех возрасте среди иныя веры, никакоже Троицы Святыя отречеся, обаче восхоте соединити веру Християнскую и правду турецкую.
И ныне
Богородичен. Едина Ты Чистая породи несказанно нетленная, тлению воистину Потребителя, и мира спасла еси. Катавасия.
Седален глас 1
От самыя младости Христа Владыку возлюби благоверне и люд еже под руку си прият, вожделе ему жизни добрыя, беззаконники по правде караше, споспошествующи Благодати Христовей заступаеши верныя.

Песнь 4
Ирмос
Ты ми Христе Господь, Ты же и сила ми, Ты ми Бог, Ты ми радование. Не оставль недра Отча, но милостию си нашу нищету посетив, тем с пророком Аввакумом зову, силе Твоей слава Человеколюбче.
Запев
Лютии беззаконницы ти пленену сущу восхотеша младости и красы ти, ты же воздаст им последи, те насильники многи на кол всаждати повеле.
Запев
Седьмь бесед ведаше, обаче паче всех с Троицею Пресвятою беседовати возлюби, от Нея благословение и венцы прият.
Слава
Отеческому велению последующе никому же вдаст си отчизну разбойничати, войско новое создавше, яко же Давыд победи многия.
И ныне. Богородичен.
Глаголом Ти последующе Непорочная, Блаженну Тя именуем, вси роди християнстии, яко Бога рождьшую воистину, а не мечтанием, совершена во обоих, Божества естеством, и законом человечества. Катавасия.

Песнь 5
Ирмос
Вскую мя отрину, от лица Твоего Свете незаходяи, покрыла мя есть чужа тма окаяннаго. Но обрати мя, и к свету заповедей Твоих пути моя направи молютися.
Запев
Многи грады и монастыри возгради благоверне, землю Влашскую благоукрашая, заступай ны да украсятся душа наша.
Запев
Многим лжеименным нищим на ти земли сущим, творящим многия разбои и татьбы позва их на пир велии, им же там собранным повеле огнем я сожещи, сего ради тя молим, храни ны от татии и разбойник.
Слава
Никако же на лица взираше благоверне, всякаго беззаконика именита и бесславна повеле на кол всаждати, сего ради спаси ны беззакония благоверне.
И ныне. Богородичен.
Вышшу Тя всех и святейшу чинов прославляем небесных, яко дольняя с горними совокупльшу. Но о Мати Божия, певцы Твоя посещающи, и поганых уставляй шатания. Катавасия.
 
Песнь 6
Ирмос

Очисти мя Спасе, многа бо беззакония моя, и из глубины зол возведи мя молюся. К Тебе бо возвах, и услыша мя, Боже спасения моего.
Запев
Мнози нерадивии иерее ти веляху не карати беззаконники и ковники, ты же их учаше кесарю кесарево воздавати, меч бо на добро носяше.
Запев
Чашу злату в стольне си граде постави господарю, и всяк пияше из нея и никто же посме ю украсти.
Слава
В ратех яко же Константин новыи Крестом ограждаем победжаше вождю всехвальны ны моли Спаса Креста Его ради помиловати.
И ныне Богородичен
Уясняют пророчестии гласи Божию Родителницу. Поем же Тя и мы видяще сбытие честных прорицании, девьства воистину и чистоты вместилище. Катавасия.
Слава и ныне кондак глас 3
И во власех и по всей земли восия слава ти, поет тя Господарю и мучениче Христов вся вселенная, к твоему заступлению прибегая, молитвами ти всякаго зла отбегаем, молитвенниче нам Владе славне.
Икос.
В трудех и на рати ти благоверне да последуем, всячески Святыя Троицы благодать призывая, да благочестию твоему всячески подражаем, врачу Божественне, скорыи молитвенниче о душах наших.
Песнь 7. Ирмос

Иже от Июдеи дошедше отроцы в Вавилон древле, верою утвержении, пламень пещныи попраша глаголюще, отец наших Боже благословен еси.
Запев
Мнози нечестивии лихоимцы и лживии купцы, завидующе люду влашску всякую лжу на тя возводяше, правда же твоя Владе возможет.
Запев
Самсоню силу бранити народ свой прият мучениче добропобедне, вся враги о имени Христове возможе всехвальне.
Слава
Кто ин есть ти подобныи воевода, правду милостию растворивыи, молися за ны пред Лицем Бога всехвальна.
И ныне.
Капля боготочная, иже от Тебе Рождьшися, мир освяти Богородице Дево. Каплю ми милости источи, освящающу душа и помышления земных. Катавасия.
 

Песнь 8. Ирмос

Седмь седмицею пещь, халдейскии мучитель, богочестивым люте разжже. Силою же лучшею спасеных видев, Творцу и Избавителю вопияше, дети благословите, священнии воспойте, людие превозносите Его во веки.
Запев
Поклисарем османским посмелым требовати чада си на отступление в работу даяти, не восхоте та слышати и повели гвоздьми чеботными тафии им ко главам прибити.
Запев
Малым ти войскам сущим умело ратова на враги благоверне, народ бо свой возлюби и не желаше ему работы вражия.
Слава
Женам и чадом плененым сущим не возлюби власть паче их, сего ради престол остави и в Угры утече, да живи будут.
И ныне
Богородичен. Иже света сосуд Чистая бывши, просвети мя, и в повелениих света ходити ми поспеши Всечистая, иже от чрева Твоего возсиявшаго, и просветивша верных сердца, Его же превозносим во веки. Катавасия.
Песнь 9
Ирмос

Удивися убо о сем небо, и земли ужасошася концы, яко Бог явися человеком плотию. Чрево же Твое бысть пространнее небес. Тем Тя Богородице, ангел и человек чиноначалия величаем.
Запев с поклоном.
Многих клевет ради в узилищи благоверне заточися, обаче не отречеся веры православныя.
Запев
Свобожден сыи в землю си возвратися воинства на рать ю свободити собирая, обаче от лукавых боляр смерть прият и того ради венцем от Христа Спаса венчася.
Слава
Неси упырь благоверне ниже волхв или волколак яко же мнози тя нарицают, обаче мученик преславен и добропобеден.
И ныне. Богородичен. О чюдеси ума пребольшу, чюдо воистину велие и преславно, како вместися во утробу Твою Бог, никако же вместимыи. Его же за хвалящия Тя благочестно умоли Девице, от бед избавляющи, и от беззаконных человек всегда. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, и святаго благовернаго господаря и великомученика Влада Влашскаго и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.

Отредактировано Данiилъ Бондаревъ (2020-09-06 10:06:49)