Канон святому благоверному Царю Великомученику Иоанну Грозному.

Тропарь глас 2
От корене Мировеева яко крин чистыи расцвете яко новыи Богомудрыи Иосиф, на милость добродеющим и в наказание беззаконником, тем тя Христе Боже молим, молитвами грознаго Царя Иоанна сохрани люди Твоя и спаси душа наша.
Песнь 1
Ирмос.

Во глубине потопи древле, фараонистская вся воиньства преоружена сила. Воплощьжеся Слово, преспеющия грехи потребил есть. Преславныи Господь, яко прославися.
Запев с поклоном Святыи благоверныи царю великомучениче Иоанне моли Бога о нас!
Еще мал сыи сиротство позна царю благоверне, сего ради не остави люди своя сиры и яко отец возлюби народ християнскии.
Запев
Беззакония боляр многия видя не восхоте их скотскии живот жити, но по Богу любовию просветися и правды и любве вожделе.
Слава
Яко же новыи Александр многим ратным делом измлада научися и силу Самсоню прият, моли Христа Бога да споборает нам в бранех наших.
И ныне
Яко чертог одушевлен Божии, и кадилницу Мысленаго и Светоноснаго Угля, Присноблагодатную ублажаем Богородицу. Зовуще, радуися Ходатаице спасенаго воскресения.

Катавасия: Избави от бед рабы своя, святый благоверныи Царю Великомучениче Иоанне, яко вси по Бозе к тебе прибегаем, ты бо молиши о нас Христа, Бога нашего.
Песнь 3
Ирмос.

На камени мя веры утверди, разшири уста моя на враги моя. Возвеселибося дух мой воспевати Ти, несть свят яко же Бог наш, и несть праведен, паче Тебе Господи.
Запев
Младыи век свой в молениих и постех провождаше, смиренномудрием же заступниче наш Премудрость многу стяжа.
Запев
Ты еси Давыд и Соломон нов, роду русскому и Церкви новыя Благодати данныи, благоверне упасааше Христу верныя люди.
Слава
Славят тя Христа Спаса возлюбившие, невернии же богу Либеру служителие ненавидят тя и хулят зело.

И ныне Сущи ангел честнейши, Зиждителя ангелом во утробе носила еси, и родила еси неизреченно. Ему же вси поем, Ты еси Бог наш, несть свята паче Тебе Господи. Катавасия.
седален, глас 3. Подобен. Красоте.

Имущи Дух истинныи премудре, еже в тебе пожил есть, сосуд и жилище Пресвятей Троице содела, строити и соблюдати церквам благолепие и утвержение. Сего ради и мы сшедшеся в память твою богомудре царю Иоанне молим тя, Христови молися даровати нам велию милость.

Слава и ныне. Богородичен. Красоте девьства Твоего, и пресветлей чистоте Твоей, Гавриил дивяся вопияше Ти Богородице, кую Ти похвалу принесу достойну. Что же нареку, недовем и чюждуся. Тем якоже повелено ми есть вопити, радуися Обрадованная Господь с Тобою.
Песнь 4. Ирмос.

Пришествовав от Девы, ни ходатай ни ангел, но Ты Сам Господи воплощься, и спасе всего мя человека. Тем зову Ти, слава силе Твоей.

Запев
Всякую ложь и прелесть от юности своея возненавиде Иоанне, Правду же с Милостью сраствори, Православие во всей вселенней утверждая.
Запев
Яко же Тилемах древле видя дом отца своего оскваряем и разоряем беззаконники возненавиде, согласие же и ряд возлюби.
Слава
Рече Спас наш яко желаяи по Нему грясти да Крест его подъемлет, ты же благоверне Иоанне с любовию заповедь сию снабди

И ныне. Всепетая, иже воиньствы горними певаемаго Бога породила еси, Человека воистину бывша. Его же о рабех Своих молящи непрестай Приснодево. Катавасия.

Песнь 5. Ирмос.

Просвещение во тме лежащим, и спасение неначаемым Христе Спасе мой, к Тебе утренюю Царю мирныи, просвети мя сиянием Си, иного бо разве Тебе Бога не знаем.
Запев
Слыша о обидах и разбоех мятежными вожди Казани творимых рать Христолюбивую собра и наказа воры и убийцы те.
Запев
Руси межи далее предвигая и земли Третьего Рима собирая Астраханскую и Сибирскую земли покори благоверне.
Слава
О благочестии и благолепии Церковных ревнуя не по чину крещение и содомию и пиянство многажды благоверне обличаше.
И ныне
О нас из Тебе воплощеннаго Дево Мати всегда моли, благочестно Тя блажащих, избавитися бед, душетленных страстей и печалей, и вечнующаго пламене мучения. Катавасия.
Песнь 6. Ирмос.

В бездне греховней одержимь, неизследную милосердия Твоего призываю бездну, от тля Боже мой возведи мя.

Запев.
Люди желая Вере Христовей научити печатание книг Церковных в Третием Риме зачат, праведного печатника Иоанна, собирателя Вивлии Острожския зело возлюби и благослови.
Запев
Люторския волки прелесть мнивших в християнех сеяти сам от писании и предании и разума Богословнаго в прении обличи Иоанне Богомудре.
Слава
Пипину и Карлу последующия латинския разбойники многажды избиваше, благочестием и благословенным оружием нечестивыя их полки побеждая.
И ныне. Избранна Богови бывши яко прекрасна, село пространно Сему, Дево, бысть, и Чертог и Свещник и Трапеза. Катавасия.
Кондак, глас 8. Подобен. Взбранной. Многомудрено воцарися в Риме Третием, блаженне царю Иоанне. Плод благии Богови в жизни сей был еси, присно цветущ добродетельми, и якоже Давыд незлобием. Того ради получил еси жизнь вечную на Небесех всегда зря Святую Троицу, моли избавитися нам от всяких бед, да зовем ти радуися утвержение граду нашему.

Икос. Всечестную память почтем, угодника Христова, великаго царя Иоанна, отеческою диадимою от юности украшена, храбраго воина на супостаты, и властеля благоутишна и радостныя глаголы, от сердца воззовем к нему сице вопиюще. Радуися яко из младых ногтей Бога возлюбив. Радуися яко заповедем Его неложныи хранитель. Радуися земли словеньстей украшение. Радуися церковныи строителю и обогатителю нескудныи. Радуися церквам украшение, и истинныи поборниче. Радуися неложныи правителю отеческих предании. Радуися благочестия столп непоколебим вражиими прилоги. Радуися яко во время великаго глада, преизобилыи нищим и сирым питателю. Радуися бедным утешение и заступник. Радуися и веселися яко сугубу мзду Небесную сугуба ради страдании от Бога обрете. Радуися яко сподобися восприяти сугубыя благодати, венец пресветел и источник исцеления. Радуися преславныи царю Иоанне, царем Русским похвала. Радуися утвержение граду нашему.
Песнь 7
Ирмос

Богопротивно веление, беззаконнующа мучителя, высок пламень вознесло есть. Христос же простре Богочестивым детем хлад духовныи, Сыи благословен и препрославлен.

Запев.
Адашева и прелестнаго попа Сильвестра и иныя ковники от себе изгнав на мучение изменником, на защиту же люду християнскому опричнину благоверне повеле создати.
Запев
Молитвенниче изрядне в покаянии велицем канон Ангелу Грозному и стихеры многи написа.
Слава
Благоверному Царю Иустиниану подражая, от несториевы ереси папежа Вигилия упасшему, тя прелестне хулившаго игумена Корнилия казнию  и лишением жизни привременныя спасе в Живот Вечныи.
И ныне. Егоже родила еси Владычице, присно моли, работы избавити мя страстей и осуждения, и одержащаго мя лютаго отчаяния, и оскорбляющих мя удержания Чистая Богорадованная. Катавасия.

Песнь 8. Ирмос.

В пещи отрочестей, прообразил еси иногда Свою Матерь Господи. Образ же сих огня избавляше, не опально вшедшим. Юже поем явльшуся Тобою концем днесь, и превозносим во вся веки.

Запев
Внегда хотяше оправдати неправедно осужденнаго митрополита Филиппа нечестивии лицемери убиша и, мы же клевете диявольстей не веря вама обема честь воздаем о Христе страдальца.
Запев
Благоверному Господарю Владу подражая, беззаконники многия казньми в сей жизни от погибели вечныя спасе Богомудре, за я же дни и нощи моляшеся славне

Слава
Не по мятежному человеческому хотению, но по Божиему велению царяше християнски и Курбскаго и многия иныя лицемеры обличи писании своими.
И ныне
Адамов Содетель от кровей Твоих чистых зиждится. И млеком питается, Питаяи всяко дыхание Дево Богородице. Темже яко Божию Тя славим Матерь. Катавасия.

Песнь 9. Ирмос.

Безначална Родителя Сын Бог и Господь, воплощься от Девицы нам явися, омраченыя просветити, и собрати расточенныя, тем Всехвальную Богородицу величаем.

Запев с поклоном.
Кто твоя мучения постищи возможет, мышияком бо и живым сребром твоя яства и пития и храмину обкладаху мучитилие, и умираху сего ради мнози родичи ти и ты сам мучашеся многажды и тако за Господа Исуса смерть прият.
Запев
Не власти земныя восхоте, зане яко же Борис Болгарский хотяше даже и оставити Царство земное, но да мнози возмогут постищи Царствие Божие.
Слава
Аще вся твоя славныя дела по достоянию воспоим, кия книги возмогут я вместити, обаче яко же возмогохом тако тя Царю хвалим.
И ныне. Света приятелище утроба Твоя бысть, Просвещьшаго мира Богорадованная. Темже молю Тя окаянныи, светлу зарю подаждь ми Богоневесто, мольбами Иоанна богомудраго. Катавасия.