Чин како вкратце молитися множицею днем
Чин како гласом призывати християны на молитву
Чин сей чтется с возывшений над церквами, аще же несть призываяи, в молитве келейней аще хощет человек да чтет (призывая на молитву ангелы и усопшия и ушедшия в сокрытие святыя), аще же стеснен есть временем может опущати и.
Исус велии есть!
Исус велии есть!
Исус велии есть!
Приидите поклонимся Цареви нашему Богу (поклон в пояс)!
Приидите поклонимся Христу Цареви и Богу нашему (поклон в пояс)!
Приидите поклонимся самому Господу Исусу Христу Цареви и Богу нашему (поклон в пояс)!
Приидите прославити Бога Отца безначального!
Приидите прославити Исуса Христа Слово и Сына Его Единороднаго, Истиннаго Бога и Истиннаго Человека!
Приидите прославити Духа Святаго Господа Истиннаго и Животворящаго!
Приидите прославити Пресвятую Владычицу нашу Богородицу и Приснодеву Марию!
Поспешайте к молитве!
Поспешайте ко спасению!
Поспешайте к деянию всех лучшему!
Исус велии есть!
Исус велии есть!
Исус велии есть!
Аще же желает и имет время чтет еще
Исус Велии есть!
Поспешайте к молитве!
Поспешайте ко спасению!
Поспешайте к деянию всех лучшему!
Наста время молитве!
Исус Велии есть!
Внуши Израилю Бог твой Бог един есть!
По сем (или сразу, если не произносили чин призыва) же творим седмипоклонный начал
Боже милостив буди мне грешному (поклон в пояс)
Создавыи мя Господи и помилуй мя (поклон в пояс)
Без числа согреших Господи помилуй и прости мя грешнаго (поклон в пояс)
Достойно есть яко воистину блажити Тя Богородице присноблаженную и пренепорочную и Матерть Бога нашего. Честнейшую херувим и славнейшую воистину серафим сущую Богородицу Тя величаем (поклон до земли)
Слава Отцу и Сыну и Святому Духу! (поклон в пояс)
И ныне и присно и во веки веком аминь! (поклон в пояс)
Господи Исусе Христе Сыне Божии молитв ради пречистыя Твоея Матере, преподобных и богоносных отец наших и всех святых помилуй и прости мя грешнаго яко благ и человеколюбец!
Святыи Боже, святыи Крепкии, святыи Бессмертныи помилуй нас (трижды с поклонами в пояс).
Слава Отцу и Сыну и Святому Духу и ныне и присно и во веки веком аминь!
Пресвятая Троице помилуй нас, Господи очисти грехи наша, Святыи посети и исцели немощи наша Имене Твоего ради!
Господи помилуй, Господи помилуй благослови!
Отче наш иже еси на небесех. Да святится Имя Твое! Да приидет Царствие Твое! Да будет Воля Твоя яко на небеси и на земли! Хлеб наш насущныи даждь нам днесь и остави нам долги наша, яко же и мы оставляем должником нашим! И не введи нас во искушение но избави нас от лукаваго!
И молитвы Исусовы ( Господи Исусе Христе Сыне Божии помилуй мя грешнаго) хотя бы три с поклонами до земли (аще хощет и более того)
Царю Небесныи Утешителю Душе Истинныи, иже везде Сыи и вся исполняя, Сокровище благих и жизни Подателю, прииди и вселися в ны и очисти ны от всякия скверны и спаси Блаже душа наша (с поклоном до земли).
Богородице Дево радуися обрадованная Марие, Господь с Тобою, благословенна Ты в женах и благословен плод чрева Твоего, яко родила еси Христа Спаса Избавителя душам нашим. (поклон до земли)
Пресвятая Богородице Марие спаси нас грешники неключимыя, ныне и в час смерти нашея аминь!
О мой Исусе, прости нам наша грехи, избави ны огня гееннскаго, и приведи в Царство Твое вся душа, в первых же паче всех Твоего милосердия требующия (поклон до земли)
По сем аще восхощет и имет время да чтет псалмы, песни пророческия, главы книги о шествии по пути к добродетели или скорбная песнопения преподобнаго Григория Нарекскаго колико хощет и может и просит Бога о себе и ближних колико хощет и призывает святыя колико хощет и молится символом веры и иными молитвами яже знает и может и хошет молитися.
По окончании же правила творит исходныя молитвы (такие же как и седмипоклонный начал)
